Posts

Showing posts from December, 2012

Solemnity of Mary, Mother of God (Year C)

Lucas 2:16-21. Unsa may kahulogan sa pagpasidungog ni Maria, ang Inahan sa Dios, ning unang adlaw sa tuig? Pinaagi niini gitudloan kita sa Simbahan nga magpuyo isip mga sumusunod ni Cristo uban sa giya ug panalipod sa Mahal nga Birhen. Sa iyang kinabuhi, nasinati ni Maria ang mga kalipay ug kasakit. Dihay mga higayon nga naglibog siya ug naglisod sa pagsabot. Apan nabatasan ni Maria nga handumon ug pamalandongan ang tanang mahitabo sa iyang kinabuhi. Nag-ampo ug namalandong siya kanunay aron iyang masabtan ang kabubut-on sa Dios. Sama ni Maria, angay kita’ng mogahin og panahon sa pagpamalandong sa mga nagakahitabo sa atong kinabuhi aron ato usab nga masabtan ang plano ug kabubut-on sa Dios para kanato.

7th Day in the Octave of Christmas (Year C)

Juan 1:1-18. Unsa may angay natong buhaton sa katapusang adlaw sa tuig? Kining maong adlaw maghatag kanato’g kahigayonan sa paghimo ning mga mahinungdanong butang. Una, magpasalamat kita sa Dios sa mga grasya nga atong nadawat gikan Kaniya sulod sa nilabay nga tuig. Ikaduha, mangayo kitag pasaylo sa Ginoo kon ugaling nakahimo kita'g dili angay sa atong pagkasumusunod ni Cristo. Ug ikatulo, mamalandong kita kon unsay angay natong himoon aron mahimong mas buotan nga anak sa Dios. Ang ebanghelyo nagtudlo nga ang tanang maayong buhat magsugod gayod kang Jesus, ang Pulong sa Dios. Busa, atong sugdan kining bag-ong tuig pinaagi sa pagpahiluna sa atong kinabuhi diha ni Cristo ug sa pagsugod og lakaw subay sa dalan nga Iyang giagian.

Feast of the Holy Family (Year C)

Sir 3:2-6, 12-14; Col 3:12-21; Lk 2:41-52 One day a little girl was sitting and watching her mother do the dishes at the kitchen sink.  She suddenly noticed that her mother had several strands of white hair sticking out in contrast on her brunette head. She looked at her mother and inquisitively asked, "Why are some of your hairs white, Mom?” Her mother replied, "Well, every time that you do something wrong and make me cry or unhappy, one of my hair turns white.” The little girl thought about this revelation for a while and then said, "Mom, how come all of grandma's hairs are white?” (The story is from an unknown author) The first Sunday after Christmas is the feast of the Holy Family of Joseph, Mary and Jesus. The Holy Family provides us with a beautiful model of an ideal Christian family. We see in the person of Joseph an ideal husband and father – one who is God-fearing, just and righteous, silent worker, good provider a...

5th Day in the Octave of Christmas (Year C)

Lucas 2:22-35. Kinsa man ang tawo nga malinawon ug malipayon? Si Herodes nalisang sa iyang pagkahibalo nga adunay Batang Mesiyas nga matawo. Apan sa ebanghelyo karon si propeta Simeon nalipay kaayo nga nakakugos sa Batang Mesiyas didto sa templo. Tungod niini dili na niya igsapayan kon siya mamatay dihadiha dayon. Nganong managlahi man ang reaksyon ni Herodes ug ni propeta Simeon? Si Herodes tawo nga kalibotanon, naghunahuna sa kaugalingong kaayohan lamang, ug wala moila sa Dios. Ang tawo nga sama niini magpuyo gayod nga mahadlokon. Samtang si Simeon tawo nga matarong, nag-alagad sa Dios ug naglantaw sa kaluwasan sa tanang katawhan. Ang tawo nga ingon niini magpabiling lig-on ug masaligon bisan atubangan sa kamatayon.

Feast of the Holy Innocents (Year C)

Mateo 2:13-18. Kinsa man ang mga Herodes ning modernong panahon? Atong gihandum karon ang mga gagmay'ng bata nga sa walay kalooy gipamatay ni Hari Herodes. Atong masabtan sa ebanghelyo nga gibuhat kini ni Herodes tungod sa iyang kahadlok nga mapulihan sa iyang trono pinaagi sa batang matawo nga mahimong hari sa mga Hudeyo. Sa atong panahon karon, ang pagpamatay sa mga bata nagpadayon pinaagi sa aborsyon. Ang mga aborsyonista ug ang mga tawo nga nagsuporta sa aborsyon mao ang mga bag-ong Herodes. Wala silay kahadlok o pagtahod sa Ginoo nga maoy tag-iya sa tanang kinabuhi sa tawo. Ang gipamatay ni Herodes gamay ra kaayo nga itandi sa kadaghan sa mga bata karon nga gipangpatay sa matag adlaw pinaagi sa aborsyon.