Posts

Showing posts from 2014

NEW YEAR/ FEAST OF MARY, MOTHER OF GOD (YEAR B)

Num 6:22-27; Gal 4:4-7; Lk 2:16-21 The first month of the year is named after the Roman god Janus, the deity with two faces, one looking to the past and the other looking to the future. The first day or days of January is a time to look back at the year that has just ended and to look forward to the New Year ahead of us. In relation to this, many of us, got used to making New Year's resolutions -- promises that we often make every New Year with the intention of breaking bad habits and becoming better persons. It was the great Socrates who says, “The unexamined life is not worth living.” A person’s life is only meaningful when it is regularly examined with the purpose of growing towards maturity in all of life’s dimensions. We have to review our lives from year to year in order to set our goals and resolutions for the years ahead. Actually, we are encouraged to examine and plan our life on a daily basis. However, every New Year is a special opportunity to scrutinize more deep...

SAINT STEPHEN, MARTYR (YEAR B)

MATEO 10:17-22. Unsa may atong makuha sa pagsimba ug pagsunod sa Dios nga nagpakatawo? Sa unang adlaw human sa kasaulogan sa Pasko, pasidunggan sa Simbahan si San Esteban, ang pinakaunang martir nga Kristiyano. Si San Esteban magpahinumdum kanato nga ang pagsunod ning Dios nga nahimong tawo dili sayon ug pwede nga magdala kanato sa kamatayon. Si Kristo mismo ang nag-ingon diha sa ebanghelyo, “Pagbantay kamo kay may mga tawo unya nga modakop ug motaral kaninyo.” Kining maong kamatuoran dili angay’ng makadiskurahe o makahadlok kanato. Si San Esteban nagpakita nga kining maong Dios maoy pinakabililhon sa tanan, ug tungod niini, angay natong ihalad ang tanan, apil ang atong kinabuhi, aron Siya atong makauban hangtod sa kahangtoran.

CHRISTMAS (YEAR B)

LUKAS 2:1-14. Nganong gipili man sa Ginoo nga magpakatawo ug makig-uban kanato? Sa akong pagpangita og tubag ning maong pangutana, natabangan ako sa nabasa nakong balita mahitungod sa sulat nga gipadala ni Pope Francis ngadto sa mga Kristiyanos sa Middle East, nga karon nakasinati og grabe nga pagpanglutos. Kabahin sa sulat sa Santo Papa nag-ingon: “Ako nakighiusa sa inyong pag-antos. . . Ako naglaom nga mahatagan og kahigayonan nga moanha ninyo, mobisita ug mohatag og kahupayon sa inyong kasakit.” Ang makatandog nga mga pulong ni Pope Francis makatabang kanato sa pagsabot ngano nga ang Dios nanaog gikan sa langit ug nagpakatawo. Gibuhat Niya kini aron sa pagbisita, pagpakig-uban, ug paghatag og kahupayan sa samaran nga katawhan.

MISA SE GALLO DECEMBER 23

LUKAS 1:56-67. Unsa may mensahe sa pagkatawo ni Juan? Ang ebanghelyo nagsaysay sa pagpanganak ni Isabel, nga asawa ni Zacarias. Ginganlan nila ang bata og Juan, subay sa gisugo sa anghel. Ang pangalang Juan nagpasabot og “Ang Ginoo nagpakita’g dakong kaayo o pabor”. Si Juan maoy gasa sa Dios para sa iyang mga ginikanan; gasa usab siya para sa katawhan tungod kay siya ang mag-andam kanila sa pag-abot sa Mesiyas. Ingon niini ang Ginoo – magpadala Siya’g mga tawo aron magtabang ug maggiya kanato. Sila ang mga “Juan” sa atong kinabuhi. Pinaagi kanila mabati nato ang mga kamot sa Dios, ilabina sa panahon nga kita may problema ug magmagul-anon. Sa pag-andam nato sa pasko, nindot kaayo nga atong ilhon ang mga “Juan” sa atong kinabuhi. Ang pasko maoy saktong panahon nga ato silang pasalamatan ug daygon.

MISA DE GALLO DECEMBER 22

LUKAS 1:46-56. Unsa man ang hagit sa Awit ni Maria alang kanato karon? Gipadayag ni Maria ang iyang pagpasalamat ug pagdayeg sa Ginoo tungod sa mga dagkong butang nga Iyang gihimo para sa katawhan sa Israel. Nasayod si Maria nga ang Ginoo nanginlabot kanunay sa kinabuhi sa mga tawo. Ang katawhan sa Israel gilabanan sa Dios batok sa tanang kaaway. Ug siya nga ubos nga sulugoon gituboy sa Dios labaw sa tanang binuhat. Atong masabot sa awit ni Maria nga ang Ginoo adunay dakong pagbati sa mga tawo nga anaa sa ubos nga hut-ong sa katilingban, walay tingog ug dinaugdaog. Kini nagdasig sa mga kabos nga dili mawad-an og paglaum tungod kay sila ang labing duol sa kasingkasing sa Dios. Nag-awhag usab kini sa tanan nga motabang sa mga kabos ug makigbatok para sa ilang katungod.