Posts

Showing posts from July, 2013

Thursday of the 17th Week in Ordinary Time (Year C)

Mateo 13:47-53. Kaluwasan ba o kaparotan sa tawo ang kagustohan sa Ginoo? Ang Sambingay sa Baling naghatag kanato og hulagway sa usa ka Dios nga gustong sikopon ang tanang tawo para sa Iyang gingharian. Ang klase sa baling nga gihisgotan dinhi mao ang pukot nga modakop sa tanang isda, gagmay ug dagko, ordinaryo ug talagsaon. Sa samang paagi, ang Dios nagsugo sa Iyang mga tinun-an, nga mao karon ang tigpamaling, sa pag-agni sa tanang katawhan, maayo ug daotan, sulod sa Iyang simbahan. Kabubut-on sa Dios nga ang tanang tawo mahatagan og kahigayonan nga magbag-o ug maglakaw sa saktong dalan. Sa adlaw sa paghukom, ang mga matarong maiya sa Ginoo, ang magpabiling daotan itambog sa impyerno.

Wednesday of the 17th Week in Ordinary Time (Year C)

Mateo 13:44-46. Nakaplagan na ba nato ang Gingharian sa Dios? Sa teolohiya, ang “Gingharian sa Dios” nagpasabot sa usa ka estado sa kinabuhi diin ang kabubut-on sa Ginoo mao nay gisunod sa mga tawo. Ang duha ka mugbong sambingay ni Cristo nagsaysay mahitungod sa duha ka tawo nga mosugot mawad-an sa ilang katigayonan aron lang maangkon ang bahandi ug mutya nga ilang nakaplagan. Ingon ani ba usab kabililhon ang Gingharian sa Dios para kanato? Makatubag kita’g “Oo” kon mosugot na kita nga makuhaa’g ginansya aron makahatag og saktong sweldo sa mga empleyado, o kon mabalibaran na nato ang itunol nga kwarta nga para sa usa ka imoral nga buhat, o kon makasakripisyo na kita sa atong kinabuhi para sa kaayohan sa uban.

Tuesday of the 17th Week in Ordinary Time (Year C)

Mateo 13:36-43. Unsa may angay natong buhaton sa mga daotang elemento sa atong kinabuhi? Usahay, tungod kay gusto kitang malimpyo sa mga daotan, mogamit kita’g mga paagi nga dili sakto. Pananglitan, gusto nato nga palayason ang “adik” nga anak, dili na tagdon ang nakasala nga silingan, o kaha ipa-lethal injection ang usa ka kriminal. Kini maoy “short cut” nga mga paagi sa pagwala sa daotan. Apan, dili ingon niini ang kabubut-on sa Dios. Ang sambingay sa mga sagbot sa uma nagtudlo nga ang Dios puno sa pasensya. Itugot niya nga ang iyang katawhan magpuyo uban sa mga daotan aron kini masukod ug mahimong lig-on. Ang maayong balita mao nga sa katapusan, mopatigbabaw gayod ang kaayo ug ang kamatuoran.

Monday of the 17th Week in Ordinary Time (Year C)

Mateo 13:31-35. Unsa man ang pagtulon-an nga atong makat-onan sa liso sa mustasa? Ang liso sa mustasa walay ikapanghambog sa iyang gidak-on. Apan bisan sa iyang kagamay, aduna kini talagsaong kalidad. Kon imo kining itanom sa yuta, atimanon ug bisbisan sa kanunay, motubo kini ug mahimong dakong tanom nga dugokan sa mga langgam tungod sa iyang mga dahon ug bunga. Pinaagi sa sambingay sa Liso sa Mustasa gitudloan kita ni Jesus nga ang paghari sa Dios diha sa atong kinabuhi magsugod sa gagmay'ng mga butang. Kon ang pagtoo sa Dios atong itanom sa atong kasingkasing, atimanon sa mga pag-ampo, ug bisbisan sa mga buhat sa kalooy, motubo kini pag-ayo ug mamungag daghang kaayohan. Kon mahitabo na kini, daghan unyang mga tawo ang makatagamtam sa atong kaayo. 

17th Sunday in Ordinary Time (Year C)

Gen 18:20-32; Col 2:12-14; Lk 11:1-13 A man is praying. He says, “God?” God says, “Yes?” The man says, “Can I ask you a question?” God says, “Go right ahead.” The man asks, “What is a million years to you?” “A million years is like a second.” The man thinks this over and then asks, “What is a million dollars to you?” God says, “A million dollars is like a penny.” “Then can I have a penny?” God says, “Sure, just a second.” (The story is from an unknown author) How do we pray to God? What are we asking God in our prayers? Does He answer all our prayers? There are many forms of prayer and there are many ways of praying. A spiritual director or a religion teacher may suggest to us some techniques of praying. One style of praying may be helpful to us; another way might be suitable to our friends. But there is no single style that fits everyone. In praying, however, the most important thing is not the form or the style but the attitude tha...