Lukas 21:29-33
Ang adlaw ug oras sa pagbalik sa Ginoong Jesus dili nato mahibaloan; ang Dios Amahan lamang ang nasayod niini. Apan atong masabtan sa sambingay sa Kahoy'ng Igera nga ang Ginoo maghatag kanato og mga ilhanan aron kita makaandam sa Iyang paghari sa kalibotan. Kinahanglan lamang nga kita magpabiling mabinantayon sa mga timailhan nga ihatag kanato sa Dios diha sa kinaiyahan, diha sa katilingban, o kaha diha sa sulod sa atong kasingkasing. Ang ikaduhang pag-abot sa Ginoo makalisang sa mga tawong daotan o kanila nga wala moila sa Dios; apan usa kini ka malipayon ug bulahang adlaw para sa mga tawong matarong o kanila nga dugay ra nga nangandoy sa pagtan-aw ug sa pagpakig-uban sa Dios.
No comments:
Post a Comment