Marcos 3:13-19
Unsa man ang mga kalidad nga gipangita sa Ginoo diha sa Iyang mga sumusunod? Ang 12 ka mga apostoles nga gipili ug gitawag ni Jesus pulos mga simple ug ordinaryong tawo. Wala silay saktong edukasyon, bahandi ug gahum nga ikapasigarbo sa katilingban. Sa ato pa, gipili sila ni Jesus dili tungod sa ilang abilidad ug katakos kondili tungod sa ilang mahimo diha sa pagpakig-uban ug pagsunod Kaniya. Kon ang Dios magtawag kanato sa pagpangalagad, dili kita angay modumili tungod lamang sa atong mga kahuyang ug kakulangon. Ang Ginoo maoy maghatag kanato og katakos, maghimo kanatong epektibo, ug maghatag kanato og kadasig sa pagsangyaw sa gugma sa Dios pinaagi sa pulong ug buhat.
No comments:
Post a Comment