Marcos 4:26-34
Unsay atong makat-onan sa Sambingay sa Liso sa Mustasa? Ang liso dili motubo sa usa ka pamilok lang. Ang tanum makapamunga sulod sa igong panahon, dili sa kalit lang. Ang mga Hudeyo nagpaabot og Mesiyas nga dihadiha mopabarog sa Gingharian sa Dios. Apan, niabot si Jesus kanila sama sa usa ka bata, nitubo sulod sa dugay'ng panahon, ug nagsangyaw sa Maayong Balita sulod sa katuigan. Sa samang paagi, gusto kita nga ang Dios maghimog milagro nga makapausab dayon sa hulagway sa katilingban, o kaha nga maghimo natong matarong sa dinaliang paagi. Apan dili ingon niini molihok ang Dios. Bililhon para Kaniya ang proseso sa pagtubo kay kini maoy magdala og tinuod nga kausaban sa tawo.
No comments:
Post a Comment