Wednesday, February 1, 2012

Wednesday of the 4th Week in Ordinary Time (Year B)

Marcos 6:1-6

Tungod sa pagka-ordinaryo sa Iyang pamilya ug tungod kay Siya usa lamang ka karpentero, si Jesus wala tuohi sa Iyang tagilungsod. Kining sayop nga batasan anaa gihapon sa atong katawhan karon. Daghan kanato adunay pagpihig ug pagtahud sa mga inila, dato ug edukado, apan walay pagsalig sa mga ordinaryong tawo, kabos, ug walay grado. Apan, sa mga mata sa Ginoo, ang tawo dili pagahukman pinaagi sa iyang dungog, bahandi, o edukasyon, kondili pinaagi sa iyang kasingkasing ug gugma. Si Cristo usa ka tinuod nga propeta tungod kay Iyang gidala ang kasingkasing ug gugma sa Dios Amahan. Kita usab, mapobre o madato, adunay bokasyon sa pagkapropeta gikan sa Ginoo ug para sa Iyang katawhan.

No comments: