Mateo
16:24-28. Unsa may mahitabo sa tawo nga dili makamaong modumili sa kaugalingong
kailibgon? Kabahin sa samarang kinaiyahan sa tawo ang kalaog ug
kamapahimuslanon. Tungod kay kini dili kabahin sa unang plano sa Ginoo para sa
tawo, ang kalaog magdala kanatog kadaot. Pananglitan, ang tawo nga magpalabig
kaon ug inum sa kadugayan mahimong masakiton. Aron mahimsog ang lawas ug kalag,
kinahanglan nato ang pagdisiplina sa kaugalingon. Angay kitang makat-on sa
pagdumili sa atong mga kailibgon. Gani, ang atong relasyon sa Ginoo ug sa isigkatawo
madaot usab kon kita laog kaayo. Kon ang atong kaugalingon ra ang atong
higugmaon ug atimanon, mawad-an kitag gugma ug panahon para sa Dios ug sa
isigkaingon.
