Saturday, August 10, 2013

Saturday of the 18th Week in Ordinary Time (Year C)


Mateo 17:14-20. Unsa man nga matang sa pagtoo ang atong gikinahanglan, ilabina panahon sa kapakyasan? Diha sa ebanghelyo, ang mga tinun-an napakyas sa pagpahawa sa yawa nga diha sa batang patulon. Tungod niini, gisaway ni Jesus ang ilang kawalay pagtoo. Human ayoha ang bata, giingnan ni Jesus ang mga tinun-an nga kon aduna silay pagtoo sa Ginoo mahimo nila ang pagpabalhin og bukid. Ang “pagtangtang og bukid” maoy panultihon sa mga Judiyo nga nagpasabot og “pagtangtang sa kalisdanan o suliran”. Gigamit ni Jesus ang maong panultihon aron sa pagtudlo nga kon mag-ampo ang tawo uban sa pagsalig sa panabang sa Ginoo mahimo niya ang pag-atubang sa mga kalisdanan ug ang pagsulbad sa mga suliran.