Mateo 7:1-5. Ngano nga dili man
kita angay’ng maghukom sa atong isigkaingon? Sa pagsulti ni Hesus “Ayaw kamo
paghukom sa uban”, gipasabot niya nga dili kita angay’ng magkondena sa
isigkatawo. Kitang tanan adunay kakulangon tungod sa atong pagkatawhanon ug mga
daotang kagahapon. Ang Ginoo lamang maoy hingpit ug siya ra ang may katungod sa
paghukom og tawo. Dugang pa niini, ang atong makita sa tawo mao lamang ang anaa
sa iyang gawas; dili nato makita ang anaa sa iyang kasingkasing. Ang mga tawo
magbuhat og daotan o maayo tungod sa lain-laing hinungdan ug katuyoan. Ug
sanglit Dios lamang maoy makakita sa kinahiladman sa Iyang binuhat, siya lamang
usab ang may katungod sa paghukom og tawo.
