Mateo 21:33-43
Ang sambingay sa ebanghelyo karon naghulagway sa Ginoo isip tag-iya sa parasan. Ang ubas nga gitanum maoy hulagway nato nga mga tawo. Isip tag-iya sa parasan, ang Dios naglaum nga kitang mga ubas mamunga og daghan. Unsa man nga mga bunga? Si San Pablo nagtawag niini og "mga butang nga maayo ug matuod, hamili, matarong, putli, matahom ug halangdon." Hinaot unta nga kining mga butanga maoy atong tinguhaon sa matag adlaw tungod kay pinaagi niini ang Dios mahimuot kanato. Likayan nato ang mga butang nga yawan-on, bakak, malaw-ay ug mahugaw tungod kay kini iya sa daotan.
No comments:
Post a Comment