Juan
15:18-21
Kinsa man ang nanag-iya kanato, ang kalibotan o ang Ginoo?
Ang mga tawo nga gipanag-iya sa kalibotan mao sila nga wala nay laing
gihunahuna kondili ang pagpangita og kwarta, pag-angkon og mga
materyal nga butang, ug pagsiguro sa kaugalingong kaayohan. Ang mga
kalibotanon walay panahon sa Dios ug walay pagpakabana sa kahimtang
sa mga kabos. Sa laing bahin, ang mga tawo nga gipanag-iya sa Ginoo
maampoon ug manggihunahunaon sa ilang isigkaingon. Magtrabaho sila ug
magnegosyo, apan igo lang para sa kaayohan sa pamilya ug katilingban.
Dili nila isakripisyo ang panahon para sa Ginoo ug dili nila ibaylo
sa kwarta ang ilang pagtoo ug moral nga prinsipyo.
