Juan 15:9-11. Gusto ka bang
magmalipayon? Unsa man nga matang sa kalipay ang gusto nimong maangkon? Dinhi
sa kalibotan adunay kalipay nga atong makuha gikan sa bahandi, materyal nga
butang, sex, druga, alkohol, ug uban pa. Apan atong mabantayan nga kining
klaseha sa kalipay mabaw ug lumalabay. Sa ebanghelyo si Cristo nagtanyag kanato
og kalipay nga hingpit ug malungtaron. Ang maong kalipay maangkon nato kon kita
magpabilin diha Kaniya ug mosunod sa Iyang mga sugo. Nakasulay kana ba sa
pagtabang og tawo nga kabos kaayo ug wala gyoy mahimo? Human sa pagbuhat niini,
sigurado nga aduna kay gibati nga talagsaong kalipay. Kini sinugdanan lamang sa
tinuod nga kalipay nga ato unyang maangkon didto sa langit, diin kita mahiusa
sa Dios hangtod sa kahangturan.
