Juan 16:12-15 Makamao ba kitang magpasensya sa atong isigkatawo
kon kini dugay'ng makat-on sa mga butang nga buot natong itudlo kanila?
Kasagaran dali ra kitang masuko ug mawad-ag paglaum sa atong mga igsoon, anak,
o estudyante nga gahi’g ulo. Angay unta natong sabton nga matag tawo lain-lain
og kapasidad sa pagsabot ug lain-lain usab og kahimtang sa kinabuhi nga adunay
kalambigitan sa ilang pagtubo sa hunahuna ug emosyon. Diha sa ebanghelyo si
Jesus naghatag og ehemplo sa pagdawat sa hinayhinay nga kausaban ug kalamboan
sa tawo. Wala niya pwersaha ang pagtudlo sa iyang mga sumusunod. Gani, gisalig
niya sa Espiritu Santo ang dugang kalamdagan sa hunahuna ug kasingkasing sa
iyang mga tinun-an.
