Lucas 7:36-50. Kinsa man ang makadawat
sa pasaylo sa Dios? Ang Pariseo nga si Simon nakakita sa pagkamasalaypon sa
babaye nga ningduol kang Jesus. Pero, wala niya nakita ang iyang kaugalingong
kakulangon. Sa kultura sa mga Judiyo, giisip nga maayong pamatasan ang paghugas
sa mga tiil sa usa ka bisita diha sa panimalay. Apil niini mao ang paghalok sa aping
sa bisita ug pagdihog og lana sa iyang ulo. Kining tulo ka buluhaton wala himoa
ni Simon ngadto kang Jesus nga iyang bisita. Ug wala gani siya nibati og
kabalisa sa iyang pagkulang sa maayong pamatasan. Sa laing bahin, ang babaye nasayod
sa iyang pagkamakasasala. Gibuhat niya ang tanan aron mahulipan ang iyang
daotang binuhatan. Tungod niini, siya, dili si Simon, ang nakadawat og
kapasayloan gikan sa Dios.
