Lucas 6:20-26. Nganong bulahan man ang mga kabos? Usa ka dato nga
amahan ang midala sa iyang anak didto sa bukid aron mopuyo uban sa usa ka pobre
kaayo nga pamilya. Iya kining gihimo aron masabtan sa iyang anak unsa siya
kabulahan nga nahimugsong dato. Human sa pipila ka adlaw, gipangutana sa amahan
ang iyang anak: “Unsa may imong nakat-onan dinhi sa bukid? Nakita ba nimo unsa
kalooy ang mga pobre?” Ug mitubag ang anak: “Dad, nakita nako nga kita adunay
swimming pool; pero sila adunay dako kaayong suba. Aduna tay imported nga mga
suga; pero sila gihayagan sa dili maihap nga mga bitoon sa langit. Aduna tay
mga security guards; pero sila adunay Ginoo ug mga higala nga manalipud nila.
Dad, bulahan kaayo ang mga kabos kaysa kanato.”
