Lucas 10:17-24. Unsa man ang mas
mahinungdanon – ang kalampusan dinhi sa kalibotan o ang pasidungog sa Ginoo
didto sa Iyang gingharian? Ang 70 ka mga tinun-an namalik gikan sa usa ka
malampusong misyon ug mahinangpon silang nagpahibalo kang Jesus mahitungod sa
ilang mga nahimo. Unya, si Jesus miingon kanila: “Ayaw kamog kalipay tungod kay
ang mga yawa mipatuo kaninyo; paglipay hinoon kamo kay ang inyong mga ngalan
nahisulat didto sa langit.” Pinaagi niini gitudloan kita ni Jesus nga walay pasidungog
ug kalampusan nga mahimong ibaylo sa ganti sa kinabuhing dayon. Nindot kini nga
pahimangno tungod kay aduna ra bay mga tawo nga andam mobuhat og daotan aron mapasidunggan.
Ibaylo lang nila ang langit sa mga pasidungog ning kalibotan.
