Lucas
10:1-12. Nganong kinahanglan kitang mangayo’g dugang nga mga alagad sa
Simbahan? Si Jesus miingon: “Ang anihon daghan apan diyotay ra ang mangangani.
Busa pag-ampo kamo sa Tag-iya sa anihon aron magpadala siyag dugang pang
mamumuo nga moani niini.” Gipahinumduman kita ning ebanghelyo nga ang kalibotan
sama sa usa ka umahan nga adunay daghang anihonon, nga sa ato pa, adunay
daghang tawo nga dalhonon ngadto sa Dios. Kulang kaayo ang mga mangangani
tungod kay gamay ra man ang interesadong motrabaho sa mga butang nga para sa
Dios ug para sa Iyang Simbahan. Kinahanglan nato nga mag-ampo alang sa dugang
mangangani, dili lang mga pari kondili mga Kristiyano nga nakasabot sa ilang
papel dinhi sa kalibotan isip asin ug kahayag para sa katawhan.
