Lucas 10:38-42. Unsaon man nato pagdawat
si Cristo diha sa atong tagsatagsa ka panimalay? Atong masabtan sa ebanghelyo
nga ang Dios buot modayon dili lamang sa atong mga kasingkasing kondili diha sa
atong mga panimalay. Ikalipay pag-ayo sa Ginoong Jesus kon kita, sama kang
Maria, modawat kaniya ug maminaw sa iyang mga Pulong. Mahimo nato kini pinaagi
sa pagtapok sa mga sakop sa panimalay matag alas 6 sa hapon (pwede sab sa laing
oras) aron mag-ampo, magbasa ug mamalandong sa Pulong sa Dios. Ikalipay usab sa
Ginoo kon kita, sama kang Marta, magtrabaho alang sa kaayohan sa pamilya ug mag-alagad
sa mga silingan nga adunay panginahanglan. Likayan lamang nato nga mahisama
kang Marta nga magreklamo samtang magserbisyo.
