WEDNESDAY OF THE OCTAVE OF EASTER (YEAR B)

LUKAS 24:13-35. MAKAAKO BA ANG DIOS SA PAGPASAGAD KANATO? Ang duha ka tinun-an nga naglakaw sa dalan padulong sa Emmaus napuno sa kasubo, kahadlok ug kalibog tungod sa kamatayon sa ilang Magtutudlo. Samtang sila naglakaw, niduol si Hesus ug nakig-uban kanila, apan wala sila nakaila Kaniya. Diha na sila nakabantay nga si Hesus diay kadto sa dihang kini “nipikaspikas sa pan” ug nihatag niini ngadto kanila. Kining maong hitabo magtudlo kanato nga sa panahon sa kalisod ug kasakit, ang Dios dili magpasagad kondili makig-uban kanato. Magpahinumdum usab kini sa kabililhon sa Eukaristiya, ang pagpikaspikas sa pan, nga maoy maghatag og tinuod nga kinabuhi. Diha sa Eukaristiya masabtan nato ang plano sa Dios ug madawat ang gikinahanglang kusog ug grasya.