Lucas 10:13-16. Sa unsa man nga matang
sa katawhan ug katilingban kita karon nahiuban? Gisaway ni Jesus ang mga tawo
sa Corasin ug Betsaida tungod kay wala sila magpakita og kausaban human sa iyang
pagpanudlo ug paghimog mga milagro sa ilang distrito. Wala nila hatagig bili
ang pagduaw sa Dios kanila. Kining makusganong pagsaway ni Jesus magsilbi nga
dakong pahimangno alang kanato karon. Ang mga Pilipino gigasahan sa walay sama
kanindot nga pagtoo. Nag-inusara kita nga Kristohanong nasod sa tibuok Asia.
Apan makauulaw kaayo nga ning dapita sa kalibotan nailhan kita nga nag-una sa
gidaghanon sa “graft and corruption”. Asa man ang atong pagkakristiyano? Unsa
man diay bili sa atong Kristohanong edukasyon ug sa atong pagdawat sa mga
sakramento?
