Juan 6:1-15. Nganong
kinahanglan man kitang mopaambit sa bisan gamay nga anaa kanato? Diha sa
ebanghelyo adunay kapin o kulang sa 5000 ka mga sumusunod ni Cristo nga naabtan
sa kagutom. Labing siguro adunay nagdala kanila og pagkaon, apan walay gusto
nga mopaambit gawas sa usa ka batang lalaki nga nagdala og 5 ka pan ug 2 ka
isda. Ang bata kabos (tungod kay ang pan nga iyang dala “pan sebada”, pagkaon
sa kabos), apan dato siya’g kasingkasing. Tungod sa iyang kaayo, nahitabo ang
milagro sa pagpadaghan sa pagkaon nga nakabusog sa libo-libo ka mga tawo. Sama
sa bata, angay kitang magmanggihatagon tungod kay daghang mga tawo karon ang galisod
ug gigutom. Kon ato kining mahimo, adunay mahitabong mga milagro sa atong
kinabuhi.
