Juan 6:60-69. Lawom ba ug
hugot ang atong pagtoo kang Cristo? Daghang ang misunod kang Cristo tungod kay
mitoo sila sa Iyang mga pulong ug mga milagro. Apan sa dihang gihagit na Niya
sila sa mas lawom nga pagtoo, nga nag-apil sa pagkaon sa Iyang lawas, mibiya na
sila Kaniya. Kitang mga Katoliko hugot nga mitoo sa presensya ni Jesus diha sa
pan ug bino nga gikonsagra sa Misa. Masaligon kita nga sa atong pagdawat sa
Eukaristiya kita mahiusa kang Cristo tungod kay mitoo man kita sa Iyang
giingon, “Ang mokaon sa akong unod ug moinum sa akong dugo magpuyo dinhi kanako
ug ako diha kaniya.” Sama kang Pedro, motoo kita kang Cristo, bisan dili matugkad
sa atong hunahuna ang tanan niyang gitudlo, tungod kay Siya man ang Balaang
Anak sa Dios.
