Feast of Bartholomew (Year B)

JUAN 1:41-45. UNSA MAY HIYAS NI SAN BARTOLOME NGA ANGAY NATONG SUNDON? Si Bartolome, nga gitawag usab og Natanael, gidayeg ni Hesus pinaagi sa mga pulong: “Aniay tinuod nga Israelita, walay ikasaway kaniya” (man without guile). Ang tawo nga walay “guile” mao siya nga walay gitagoan sa sulod ug sa gawas, dili mangilad, dili malansison, ug dili tigpakaaron-ingnun. Si Satanas mao ang binuhat nga puno sa “guile”; gilansisan niya si Eba aron kini magbudhi sa Dios. Diha kang Bartolome nakita ni Hesus ang kasingkasing nga simple ug matinud-anon, kang kinsang kinabuhi usa ka testimoniya sa tawo nga adunay prinsipyo ug integridad. Ang Salmo nagkanayon: “Blessed is the man unto whom the Lord imputes not iniquity, and whose spirit there is no guile” (32:2).