UNSA MAY ATONG IKASULTI SA BABAYE NGA NAKABANA OG TAWONG TAMPALASAN,
NAKAUGANGAN OG NGIL-AD OG BATASAN, UG NAKAANAK OG LALAKING BABAERO? Sa mata sa
kalibotan, ang maong babaye makalolooy ug walay swerte. Apan, sa kaso ni Santa
Monica, ang maong kahimtang nahimong grasya tungod kay kini man ang
nakapasantos kaniya. Wala niya tugoti ang kangil-ad sa pagkatawo sa iyang bana,
ugangan ug anak nga makatakod kaniya. Nagpabilin siyang pasensyoso,
mahigugmaon, ug maampoon. Ang iyang kaayo ug gugma sa kaulahian nagmadaugon
tungod kay pinaagi niini ang iyang pagano nga bana ug ugangan nidawat kang
Kristo ug nahimong Kristiyano. Labaw sa tanan, pinaagi sa iyang mga luha ug
pag-ampo, ang iyang anak nga si Agustin nakakita sa kahayag, nahimong pari,
obispo ug, labaw sa tanan, santo.
No comments:
Post a Comment