WEDNESDAY OF THE 20TH WEEK IN ORDINARY TIME (YEAR B)

MATEO 20:1-16. NAGTRABAHO KA BA ALANG SA KATUKORAN SA GINGHARIAN SA DIOS? Ang Sambingay sa mga Trabahante sa Parasan nagtudlo nga ang Dios nagdapit og mga tawo nga motrabaho para kaniya. Dili siya gusto nga adunay mga tawo nga dili molihok alang sa katumanan sa iyang paghari dinhi sa kalibotan. Ang kalibotan mao ang parasan sa Dios ug ang mga butang nga trabahoonon mao ang mga apostolado nga maghatag og tinuod nga kalamboan sa katawhan. Apil niini mao ang mga apostolado sa Katesismo, apostolado sa Catholic Family and Life, apostolado sa Bibliya, apostolado sa Kabatan-onan, apostolado sa mga Masakiton, apostolado sa Social Action, ug uban pa. Subo palandongon nga gamay ra kaayo ang interesado motubag sa pagdapit sa Ginoo ug motrabaho sa mga apostolado sa Simbahan. Adunay marka sa Tshirt nga nagkanayon: “Work for God. The Retirement Benefits are Great – Fulness of Life with God in Heaven.”