TUESDAY OF THE 19TH WEEK IN ORDINARY TIME (YEAR B)

MATEO 18:1-5,10,12-14. KINSA MAN ANG GIPASABOT NI HESUS NGA SAMA SA “MGA BATA”, NGA MAOY LABING HALANGDON SA MGA MATA SA DIOS? Una, ang sama sa mga bata mao ang mga tawo nga labing nanginahanglan og tabang. Sila ang mga kabos, walay trabaho, masakiton, inosente, ug walay tingog sa katilingban. Kon ato silang tagdon ug tabangan, sama ra nga atong gidawat ug giatiman si Kristo. Ug ikaduha, ang sama sa mga bata mao ang mga tawo nga mapaubsanon, mapailobon, ug wala mangandoy nga daygon. Nasayod sila nga ang tanan nga ilang naangkon bunga sa lihok sa Dios, ug nga ang Dios lamang ang angay’ng pasidunggan. Kada adlaw mag-ampo sila tungod kay nasayod sila nga kon wala ang Dios wala silay mahimo. Sakto ang giingon: “While we try to teach our children all about life, our children teach us what life is all about.”