Lukas
17:26-37. Unsa may mahitabo sa Adlaw sa Paghukom? Gihulagway ni Jesus ang maong
panahon pinaagi sa pag-ingon: “Niadtong gabhiona, may duha ka tawo nga magdulog
sa higdaanan; kuhaon ang usa ug ang usa ibilin.” Atong masabot dinhi nga matag
tawo manubag sa kaugalingon atubangan sa Ginoo. Dili nato mapasa ang maong
responsabilidad ngadto sa lain. Nindot kini nga pahimangno tungod kay adunay
daghan kanato nga magpasagad lang ug magsalig nga maluwas tungod sa katarong ug
kamaampoon sa ilang mga ginikanan, kapikas, o kaha kaigsoonan. Sayon ra nga
moingon, “Iapil lang ko og ampo” o “Ikaw lay pagbinuotan para nako”. Sayop! Sa
Adlaw sa Paghukom, ang atong binuhatan maoy susihon, dili ang sa uban.
