Lukas
19:1-10. Unsa may angay natong buhaton aron kita tinuod nga mahibalik sa Dios? Si
Saqueo wala na malipay sa iyang kahimtang ug nahimutangan. Anaa siya sa ibabaw
sa katilingban, apan gibati siya'g dakong kamingaw. Adunahan siya, apan wala
siyay kahigalaan. Mao kini ang bunga sa iyang daotang binuhatan. Karon, gusto
na siyang magbag-o ug mobalik sa Ginoo. Giingnan niya si Jesus, “Ihatag ko ang
katunga sa akong katigayonan ngadto sa mga kabos, ug kon ako nakalimbong kang
bisan kinsa, ulian ko siyag upat ka pilo.” Si Saqueo nagtudlo kanato unsa ang
tinuod nga paghinulsol. Pinaagi kaniya atong nasabtan nga ang matinud-anong
pagbasol pagaubanan gayod og dakong tinguha sa pag-ayo sa mga relasyon ug
butang nga nadaot tungod sa mga sala nga nahimo.
