Juan
20:24-29. Kinsa man ang sakto – ang mga tinun-an nga niingon, “Nakita namo ang
Ginoo” o si Tomas nga namulong, “Gawas kon makita ko . . . dili ako motoo”?
Naandan na ang pagtawag kang Tomas og “Doubting Thomas” ug ang iyang
pagduhaduha giisip nga buling sa iyang pagkatawo. Apan, sayop ba diay ang
pagduhaduha sa mga butang nga dili pa klaro ug wala pa masabti? Dili. Dili sala
ang pagsusi sa mga taho nga dili pa klaro o wala pa mapamatud-i. Si Tomas dili
maduhaduhaon kondili maampingon. Gihunahuna niya pag-ayo ang mga butang nga
iyang nadungog gikan sa uban. Ug human kini niya napamatud-an, wala na siya
nagpanuko sa pagpadayag sa iyang pagtoo.
