Mateo 9:9-13. Abli ba kita sa
tawag sa Ginoo diha sa atong kinabuhi? Si Mateo usa ka kobrador sa buhis.
Giisip siya nga dakong makasasala tungod sa iyang pagpakigkunsabo sa mga
banyagang Romano ug sa daot nga sistema sa pagpaningil og buhis. Apan si Mateo
nagpakita og abli nga kasingkasing. Sa dihang gitawag siya ni Jesus, dali siya
nga nibiya sa iyang lingkoranan aron sa pagsunod sa Ginoo. Ang iyang pagdapit
kang Jesus sa kumbira didto sa iyang panimalay nagpakita sa iyang pagdawat sa
Ginoo sulod sa iyang kinabuhi. Kining ebanghelyo magdasig kanato sa pagsusi kon
unsa nga matang sa kinabuhi kining atong gipuy-an – moral ba o dili, diosnon ba
o yawan-on? Hinaot unta nga sama kang Mateo, kita andam nga mobiya sa atong
daotang kinabuhi aron sa pagsunod kang Cristo.
