FRIDAY OF THE 16TH WEEK IN ORDINARY TIME (YEAR B)

MATEO 13:18-23. MAKAMAO BA KITANG MAMINAW OG MAAYO SA PULONG SA DIOS? Adunay mga tawo nga palusoton lang sa pikas dalunggan ang madungog nga mensahe gikan sa Ginoo. Ang uban makamaong maminaw sa Pulong sa Dios, apan dili mamalandong niini sa ilang kasingkasing. Naa puy uban nga maminaw ug mamalandong sa Pulong sa Dios, apan wala man sab magtinguha sa pagpuyo niini sa ilang kinabuhi. Dili unta kita mahisama niining mga tawhana. Matag adlaw maningkamot gayod kita nga mobasa o maminaw sa Pulong sa Dios, mamalandong ug magsaksi niini diha sa atong kinabuhi. Kon mahimo nato kini, sigurado gayod nga mamunga kita’g mga maayong buhat nga makalipay sa Ginoo ug sa isigkatawo. Adunay nag-ingon, “The Word of God I live, is far better than the Word of God I speak.”