MONDAY OF THE 16TH WEEK IN ORDINARY TIME (YEAR B)

MATEO 12:38-42. UNSA MAN KAHAY IKASULTI NI HESUS SA KATILINGBAN NING ATONG PANAHON KARON? Unsa may naghari sa atong katilingban – gugma, kalinaw ug pagtinabangay ba? O, pagdumot, kagubot, ug pagdinaotay ba hinoon? Dinhi sa ato, adunay mga tawo nga nagpabiling matoohon ug mahigugmaon, apan mas daghan ang mga tawo nga nagkinabuhi nga murag walay Ginoo ug walay pagtagad sa isigkatawo. Ang trabaho, negosyo, kalingawan ug teknolohiya maoy nahimong babag taliwala sa tawo ug sa Ginoo, ug taliwala sa tawo ug sa isigkaingon. Ang Nobel Peace Prize winner nga si Elie Wiesel nag-ingon: “The opposite of love is not hate, it’s indifference. The opposite of art is not ugliness, it’s indifference. The opposite of faith is not heresy, it’s indifference. And the opposite of life is not death, it’s indifference.”