MATEO 10:24-33. ANGAY BA NATONG KAHADLOKAN ANG
GINOO? Adunay duha ka matang sa kahadlok. Ang una mao ang kahadlok isip pagbati
sa kalisang tungod sa usa ka katalagman o kasakitan nga nahitabo, nagakahitabo,
o umaabot pa. Ug ang ikaduha mao ang kahadlok isip pagbati sa dakong pagtahod
ug pagkahingangha sa gahum ug kaayo sa usa ka persona. Sa pag-ingon ni Hesus
“Kahadloki ninyo ang Dios”, wala niya ipasabot nga angay kitang malisang sa
Dios. Hinoon, buot niya kitang dasigon sa pagpakita og dakong respeto ug pagtahod
sa Dios. Ang Dios maoy labing gamhanan; sa Iyang mga kamot anaa ang gahum sa
paglaglag ug pagluwas. Angay nato Siyang daygon ug pasalamatan tungod kay bisan
sa atong kagamay Iya kitang giatiman, gialagaran ug gipakamatyan.
No comments:
Post a Comment