MATEO 6:1-6, 16-18. Unsa man ang gisugdan sa
Mierkoles Badlis? Ang Mierkoles Badlis mao ang pinakaunang adlaw sa Kwaresma,
ang panahon sa Liturhikanhong Kalendaryo sa Simbahan kanus-a kita mag-andam sa
umaabot nga kasaulogan sa misteryo sa pagpasakit, kamatayon ug pagkabanhaw ni Kristo.
Tulo ka butang ang angay natong buhaton ning panahona. Una mao ang pagbasol sa
mga sala. Ang Dios nga labing maloloy-on magpasaylo kanato kon kita mapaubsanon
ug matinud-anon sa atong paghinulsol. Ikaduha mao ang pagsakripisyo. Pinaagi
niini atong madisiplina ang lawasnong kailibgon ug mapalig-on ang espirituhanong
kinabuhi. Ug ikatulo mao ang paghatag og limos. Sa atong pagtabang sa mga
nanginahanglan, atong gipakita ang atong gugma sa Dios nga nakighiusa sa mga
kabos.
No comments:
Post a Comment