HEBREO 13:1-8. Unsa man ang angay’ng palabihon, ang
kwarta o ang relasyon? Dili ikalimod nga adunay mga tawo nga ma-busy pag-ayo sa
pagpangita’g kwarta ug mahutdan na og panahon para sa pamilya. Aduna usay uban
nga makaako pagpakig-away sa mga kaigsoonan ug kahigalaan aron lang makaangkon
og mas dako nga kabtangan. Dili kini maayo. Ang Sulat ngadto sa mga Hebreo
nag-ingon: “Ayaw higugmaa ang salapi; igo na ang anaa kaninyo”. Kini magdasig
kanato nga makontento sa mga gasa sa Dios, sama sa pamilya, mga higala, ug sa
maayong panglawas. Ang kwarta dili angay’ng palabihon tungod kay dili man kini
makagarantiya sa tinuod nga kalipay. Gusto kita makakwarta’g daghan tungod kay
mahadlok kita nga mahutdan. Apan dili ba diay kita mosalig sa gisaad sa Dios: “Dili
ko gayod kamo pasagdan ni talikdan”?
No comments:
Post a Comment