MARCOS 8:1-10. Unsa man kining hiyas sa pagka-Responsable?
Ang unang pagbasa nagsaysay sa pagpakasala ni Adan ug Eba (Gen. 3:9-24). Sa
dihang gipangutana sila sa Dios, walay niangkon sa duha. Si Adan nagpasangil
kang Eba, ug si Eba nagpasangil sa bitin. Mao kini ang batasan sa mga tawong
iresponsable – dili motuman sa kasugoan ug dili modawat og sayop. Samtang ang
tawo nga responsable masaligan, mobuhat sa angay, ug motuman sa katungdanan. Ang
ebanghelyo naghatag kanatog ehemplo sa pagkaresponsable diha kang Hesus. Ang
mga tawo nga nagsunodsunod kaniya giabot nag kagutom. Ang pinakasayon nga
buhaton mao ang pagpapauli sa mga tawo ug pasagdan silang mangitag pagkaon.
Apan wala kini buhata ni Kristo. Giatubang niya ang katungdanan, gidasig ang
mga tinun-an sa pagpaambit, ug ilang gipakaon ang mga tawo.
No comments:
Post a Comment