GENESIS 1:20-2:4. Unsa may atong katungdanan sa mga
binuhat sa Dios sama sa kadagatan, kabukiran, kakahoyan ug kahayopan? Diha sa
libro sa Genesis 1:26-27 ang Dios nag-ingon: “Kamoy magbuot sa mga isda ug sa
mga langgam ug sa tanang ihalas nga mananap. Gihatag ko kaninyo ang tanang
matang sa tanom nga may binhi ug ang tanang bunga sa kahoy aron inyong kan-on.”
Klaro kaayo nga ang gahom sa pagdumala sa kabinuhatan gihatag sa Dios ngadto sa
tawo. Apan angay natong sabton nga ang “gahom” wala magpasabot nga mahimo sa
tawo ang tanan niyang gusto nga himoon sa mga binuhat sa Dios. Diha sa Genesis
2:15 kita giingnan nga gidala sa Dios ang tawo ug gipahiluna sa tanaman sa Eden
aron kini iyang tikaron ug ampingan. Busa, atong ampingan ug dili angay’ng
gub-on ug abusohan ang mga binuhat sa Dios.
No comments:
Post a Comment