LUKAS 6:20-26. KINSA
MAN ANG BULAHAN NGA TAWO? Kon makakita kita’g dato, abilidaran, ug may porma,
dali tang makaingon, “Pagkabulahan nga tawo!” Ang bahandi, talento, ug panagway
maoy atong sukdanan sa pagkabulahan. Apan, dili ingon niini ang Kristohanong
pagtulon-an. Ang tawo mahimo lamang nga bulahan kon siya magpuyo uban sa Dios.
Ang kalinaw, kalipay, kahulogan ug katagbawan dili mapalit og kwarta ug dili
usab mahatag gikan sa ubang tawo. Kining mga butanga magagikan lamang gikan sa
Dios. Ang tawo nga mosalig kanunay sa Dios matawag nga bulahan bisan kon siya
kabos, gitamay o gilutos tungod kay maiya man ang bahanding langitnon. Apan ang
tawo nga walay Dios mahimong alaot bisan kon anaa kaniya ang tanan tungod kay
dili man siya makabaton og kinabuhi nga malinawon ug malipayon.
No comments:
Post a Comment