Friday, January 18, 2013

Friday of the 1st Week in Ordinary Time (Year C)



Marcos 2:1-12. Bililhon ba ang pagtinabangay? Ang ilaga natarantar og misinggit ngadto sa iyang mga kaubang mananap, “Tabang! Adunay mouse trap sa balay, tabangi ko ninyo!” Ang manok, baboy ug baka wala manginlabot ug miingon, “Ilaga, wala mi labot sa imong problema.” Pagkagabii, nahigmata ang asawa sa tagbalay kay dihay milagapak. Mibangon siya ug nakita niya ang bitin nga naipit sa mouse trap, apan nakalihok pa kini ug mipaak kaniya. Pagkaugma, gihilantan ang asawa. Giihaw sa bana ang manok aron ipakaon sa iyang asawa. Daghan ang miduaw sa masakiton ug tungod niini, giihaw sa bana ang baboy aron ipakaon sa mga bisita. Wala maayo ang asawa ug namatay. Sa paglubong, daghang tawo ang miuban ug tungod niini giihaw sa bana ang baka aron ipakaon kanila.