Marcos
1:21-28. Unsa man nga matang sa pag-ila kang Cristo ang anaa kanato? Atong
bantayan nga diha sa ebanghelyo bisan ang yawa miila sa awtoridad ni Cristo.
“Nakaila ako nga ikaw mao ang Balaang Sinugo sa Dios”, ang yawa miingon. Pero,
atong masabtan nga kining pag-ila sa yawa kang Cristo giubanan dili sa pagtoo
kondili sa kahadlok. Nasayod ang yawa nga si Cristo adunay gahum sa pagpahawa
kaniya, apan wala kini magtinguha sa pagsunod Kaniya. Ang pag-ila diay sa
pagka-Dios ni Cristo dili garantiya nga maghimo sa tawo nga tinood nga sumusunod.
Mag-ampo kita nga ang atong kahibalo ug pag-ila kang Cristo magdala kanato sa
tinood nga pagtoo ug maghimo kanatong masaligon sa iyang makanunayong gugma ug pag-amoma.
