Juan 7:1-2, 10, 25-30. Asa man
ang atong kapahulayan nga dayon? Ang ebanghelyo nagsaysay sa pagtambong ni
Jesus sa Pangilin sa mga Payag (Feast of Tabernacles). Ang maong pyesta naghandum
sa panahon kanus-a ang mga Judiyo nagpuyo sa mga payag didto sa desierto human
sila makalingkawas gikan sa mga kamot sa mga Ehiptohanon. Ang mga payag maoy
nagsilbi nilang lumalabay'ng pinuy-anan samtang sila nagpadulong pa sa “Yutang
Gisaad” (Promised Land) sa Dios para kanila. Kining ebanghelyo magpahinumdum
kanato nga ang kalibotan nga atong gipuy-an karon lumalabay lamang usab. Dili
kita angay’ng magpaulipon sa mga kalibotanong butang tungod kay ang tinuod natong
pinuy-anan mao man ang Langit nga gisaad sa Dios kanato.
