Mateo 5:17-19. Unsaon man nato
pagtratar ang mga balaod? “Ang magtuman sa Balaod ug magtudlo sa uban sa
pagbuhat sa ingon mahimong dako sa Gingharian sa Langit.” Ang Balaod nga
gipasabot ni Jesus mao ang Balaod ni Moises ug ang mga pagtulon-an sa mga
propeta. Sanglit nagsumikad kini sa Balaod sa Dios, angay lamang nga kini
pagasundon. Sa atong panahon, adunay mga balaod nga gimugna sa gobyerno para
kanato. Ang mga balaod nga makaayo sa tawo atong isipon nga moral ug angay'ng
tumanon. Apan unsa may mahitabo kon ang gobyerno maghimo og balaod nga imoral
sama sa Reproductive Health Bill nga magdasig sa artificial contraception? Kini
ang prinsipyo'ng moral: Ang balaod nga dili matarong, dili angay'ng sundon.
