Lucas 4:24-30. Unsaon man nato
pagtagad ang mga tawo nga dili sama kanato og pagtoo? Diha sa ebanghelyo gipahinumduman
ni Jesus ang mga Judiyo kalabot kang propeta Elias nga gipadala sa Dios aron
pag-atiman sa usa ka pagano nga biyuda sa Sarepta. Gisaysayan usab Niya sila
giunsa pagpadala sa Dios si propeta Eliseo ngadto kang Naaman, usa ka kaaway
nga taga-Siria, aron pag-ayo sa iyang sakit nga sanla. Pinaagi niini gipasabot
ni Jesus nga ang gugma ug kalooy sa Dios dili lamang para sa mga Judiyo kondili
para sa tanan, apil ang mga lain og tinoohan ug ang mga kaaway. Kining
ebanghelyo magdasig kanato sa pagrespeto sa pagtoo sa ubang mga tawo. Dili nato
ipaubos ang ilang pagkatawo ug panghunahuna tungod kay sama kanato mga anak
usab sila sa Dios.
