Lucas 15:1-3, 11-32. Madawat
ba nimo ang hinigugma nga nitalikod nimo ug karon gusto nga mobalik? Kini ang
pangutana nga giatubang sa usa ka ginikanan, kang kinsang nilayas nga anak
karon nagpadalag mensahe nga mopauli sa ila. Kining bataa nagtubo nga giputos
sa ilang gugma ug atensyon. Gihatagan og mga saktong gamit aron malipay.
Gipadala sa nindot nga tulunghaan. Sa dihang nahigugma ang ilang anak sa usa ka
bisyoso ug minyo nga lalaki, ila kining gipadistansya. Apan ang ilang anak
nikuyog sa lalaki ug nakig-ipon niini. Kini naghatag og kaulawan sa pamilya ug
gikasakit pag-ayo sa mga ginikanan. Karon nga gustong mopauli ang ilang anak,
ila ba kining dawaton? Kining ginikanan akong gidasig nga mobasa ug mamalandong
sa “Sambingay sa Mausikong Anak”.
