Wednesday, March 20, 2013

Thursday of the 5th Week of Lent (Year C)



Juan 8:51-59. Kadaghanan kanato, kondili man gani kitang tanan, mahadlok nga mamatay. Pero, unsa man nga klase sa kamatayon ang angay natong kahadlokan? Adunay duha ka matang sa kamatayon: Ang una mao ang kamatayong lawasnon, nga maoy pultahan sa laing kinabuhi; Ang ikaduha mao ang kamatayong espirituhanon, nga maoy atong dangatan kon kita magpabilin diha sa pagpakasala. Ang naulahing matang sa kamatayon mao ang gihisgotan ni Jesus sa Iyang pag-ingon, “Ang magtuman sa akong gisulti dili gayod mamatay.” Nga sa ato pa, kon kita mosunod sa Iyang mga kasugoan, dili gayod kita makasinati og kamatayong espirituhanon. Maangkon nato ang kinabuhing walay katapusan kon kita motoo kang Cristo ug mosunod sa iyang mga ehemplo.