Juan 5:17-30. Kang kinsang
kabubut-on ang masunod sa atong kinabuhi karon? Adunay mga tawo nga walay
pagtagad sa hunahuna sa uban; ang ilang gusto ra gyod maoy ipasunod. Naa puy
mga tawo nga gasunodsunod ra sa kagustohan sa uban – sa ilang agalon, mga ginikanan,
mga igsoon, o kaha mga kahigalaan. Sila ang mga tawo nga walay baroganan. Lahi
ang panig-ingnan nga gipakita ni Cristo diha sa ebanghelyo karon. Gipasabut
niya nga ang Dios Amahan ug siya nahiusa diha sa gugma. Ang tanan nga iyang
pagabuhaton pinasubay gayod sa kagustohan sa iyang Amahan. Wala gyod siyay
himoon nga ikasakit o ikaguol sa Langitnong Amahan. Pagkanindot unta kon sa
atong kinabuhi ang kabubut-on sa Dios Amahan mao usab ang kanunay’ng matuman.
