Lucas 1:26-38. Unsa may angay natong
buhaton kon adunay mahitabo sa atong kinabuhi nga lisod dawaton? Human sa
pagpahibalo sa anghel, si Maria nakapangutana: “Ulay ako, busa unsaon man
pagkahimo niini?” Si Maria nangutana niini dili tungod kay kulang siya sa
pagtoo sa Dios kondili tungod kay siya matinud-anon. Ang giingon sa anghel nga
siya momabdos dili posible nga mahitabo tungod kay wala man siya makighilawas
sa iyang minahal nga si Jose. Apan bisan sa kalibog, si Maria misalig sa gahom
sa Dios ug miingon: “Sulugoon ako sa Ginoo, mahitabo unta kanako ang imong
gisulti.” Kining ebanghelyo magdasig kanato sa pagpabiling matoohon ug
masaligon sa makaluwas nga gahom sa Dios haloyo sa mga nahitabo sa atong
kinabuhi nga lisod sabton ug lisod dawaton.
