Friday, December 14, 2012

Saturday of the 2nd Week of Advent (Year C)


Mateo 17:10-13. Unsa man ang dakong panawagan para kanato ning Adbyento? Ang mga Judeo nagtoo nga kon muabot na ang Mesiyas, ipadala sa Ginoo si propeta Elias aron pagsangyaw mahitungod niini. Si Juan mao ang katumanan sa papel ni Elias ug nag-andam sa dalan sa Manluluwas pinaagi sa pag-awhag sa mga tawo nga magbag-o ug maghinulsol sa mga sala. Isip mga magtutoo, angay kitang mosanong sa panawagan ni Juan. Andamon nato ang atong kasingkasing pinaagi sa paghinulsol sa atong mga sala ug pagkumpisal niini ngadto sa pari. Dugang pa niini, andamon nato ang atong kaugalingon pinaagi sa pagpakighiuli sa atong isigkatawo, ilabi na sa atong mga kaaway. Kon mahimo nato kini, sigurado gayod nga mahimong makahuloganon ang atong pagsaulog sa Pasko.