Lucas 1:67-79. Nagmatinud-anon ba kita sa
atong kasabotan sa Dios? Ang mga tawo sa Israel gitawag og “Katawhan sa
Kasabotan” tungod kay ang ilang kinabuhi nagtuyok diha sa kasabotan nga ilang
gihimo uban sa Ginoo. Ang mga Israelita nanumpa nga mosunod sa kasugoan sa
Dios, samtang si Yahweh nanumpa nga mailang Ginoo hangtud sa kahangturan. Sa
daghang higayon, ang mga Israelita nagmabudhion, apan si Yahweh nagmatinud-anon
sa tanan niyang gisaad, ilabi na ang panaad sa pagpadala og Manluluwas. Kini
ang gipadayag ni Zacarias sa iyang awit sa pagdayeg ngadto sa Dios. Ning
kapaskohan giawhag kita sa pagbag-o sa atong kasabotan uban sa Ginoo. Manaad
kita sa Ginoo nga seryosohon na nato ang pagsunod Kaniya diha sa matag adlaw sa
atong kinabuhi.
